ଲିଷ୍ଟ-ଏ କ୍ରିକେଟରେ ଦ୍ରୁତତମ ଦ୍ବୀଶତକ କରି ଇତିହାସ ସୃଷ୍ଟି କରିଛନ୍ତି ନ୍ୟୁଜିଲ୍ୟାଣ୍ଡର ବ୍ୟଟ୍ସମ୍ୟାନ ଚାଦ ବୋଉସ । ଓଟାଗୋ ବିପକ୍ଷରେ ଓପନିଂ ବ୍ୟାଟିଂ କରୁଥିବା କ୍ୟାଣ୍ଟରବେରୀର ଚାଦ ବୋଉସ ଏକ ଚମତ୍କାର ଇନିଂସ ଖେଳିଛନ୍ତି । ଫୋର୍ଟ ଟ୍ରଫି ନାମକ ଏକ ଦିନିକିଆ ଟୁର୍ନାମେଣ୍ଟରେ ୧୦୩ ବଲରେ ଦ୍ବୀଶତକ କରି ଏହି କୀର୍ତ୍ତିମାନ ରଚିଛନ୍ତି। ଏହି ଦ୍ବୀଶତକ କରି ସେ ଅଷ୍ଟ୍ରେଲିଆର ଟ୍ରାଭିସ ହେଡ଼ ଓ ଭାରତର ନାରାୟଣ ଜଗଦୀଶନଙ୍କ ୧୧୪ ବଲରେ କରିଥିବା ଦ୍ରୁତତମ ଦ୍ବୀଶତକକୁ ଭାଙ୍ଗିବାରେ ସଫଳ ହୋଇଛନ୍ତି।
ତେବେ ପୂର୍ବରୁ ଟ୍ରାଭିସ ହେଡ଼ ଦକ୍ଷିଣ ଅଷ୍ଟ୍ରେଲିଆ ପାଇଁ ଲିଷ୍ଟ-ଏ କ୍ରିକେଟ ଖେଳୁଥିବାବେଳେ ୧୧୪ ବଲରେ ଦ୍ବୀଶତକ କରିଥିଲେ । ଆଇପିଏଲରେ ଚେନ୍ନାଇ ସୁପର କିଙ୍ଗସ ଓ ତାମିଲ
ାଡୁ ପାଇଁ ଖେଳୁଥିବା ଜଗଦୀଶନ ତାମିଲନାଡୁ ପାଇଁ ଲିଷ୍ଟ-ଏ କ୍ରିକେଟ ଖେଳୁଥିବାବେଳେ ୧୧୪ ବଲରେ ଦ୍ବୀଶତକ କରିଥିଲେ ।
ଚାଦ ବୋଉସ ୧୧୦ ଟି ବଲର ସମ୍ମୁଖୀନ ହୋଇଥିଲେ ଏବଂ ୨୦୫ ରନ ସଂଗ୍ରହ କରିଥିଲେ, ଯେଉଁଥିରେ ୨୭ ଟି ଚୌକା ଓ ୭ ଟି ଛକା ଅନ୍ତର୍ଭୁକ୍ତ ଥିଲା । ବୋଉସଙ୍କ ଦ୍ବୀଶତକ ବଳରେ କ୍ୟାଣ୍ଟରବେରୀ ଦଳ ଏକ ବଡ଼ ସ୍କୋର କରିବାରେ ସଫଳ ହୋଇଥିଲା । କ୍ୟାଣ୍ଟରବେରୀ ଦଳ ୫୦ ଓଭରରେ ୩୪୩ ରନ ସଂଗ୍ରହ କରିଥିଲା ।
ତେବେ ଚାଦ ବୋଉସ ନ୍ୟୁଜିଲ୍ୟାଣ୍ଡ ପାଇଁ ଅନ୍ତର୍ଜାତୀୟ ମ୍ୟାଚ ମଧ୍ୟ ଖେଳିଛନ୍ତି । ସେ ସମୁଦାୟ ୧୭ ଟି ମ୍ୟାଚ ଖେଳିଥିବାବେଳେ ୬ ଟି ଦିନିକିଆ ଏବଂ ୧୧ ଟି ଟି-୨୦ ମ୍ୟାଚ ସାମିଲ ରହିଛି ।