ଭୁଲକୁ ସୁଧାରୁ ନାହାନ୍ତି ରିଷଭ

 ଭାରତୀୟ ଦଳର wicket ରକ୍ଷକ ବ୍ୟାଟସମ୍ୟାନ ରିଷଭ ପନ୍ଥ. କ୍ରିକେଟର ଫର୍ମାଟ ଯାହା ବି ହୋଇଥାଉ ରିଷଭକୁ ଆମେ କହୁ ମ୍ୟାଚ ବିଜେତା. ବିଶେଷ କରି ଟେଷ୍ଟ ମ୍ୟାଚରେ ତାଙ୍କର ଅନେକ ପାରି ପାଇଁ ବିଦେଶ ମାଟିରେ ବିଜୟ ହାସଲ କରିଛି ଭାରତ. ଅଷ୍ଟ୍ରେଲିଆ ହେଉ କି ଇଂଲଣ୍ଡ ସବୁ ମାଟିରେ ଶତକ ହାସଲ କରି ନିଜ ପ୍ରତିଭାର ପରିଚୟ ଦେଇଛନ୍ତି ଏହି ଯୁବ ବ୍ୟାଟର. ଭଲ ପାରି ଏବଂ ବିସ୍ଫୋରକ ଖେଳୁଛନ୍ତି ସତ ମାତ୍ର ମ୍ୟାଚର ପରିସ୍ଥିତିକୁ ପଢିବାରେ ଅନେକ ସମୟରେ ଫେଲ ମାରୁଛନ୍ତି. ଏମିତି କି ଅନେକ ସମୟରେ ଦଳ ସଙ୍କଟ ସ୍ଥିତିରେ ରହି ରିଷଭଙ୍କ ଠାରୁ ବଡ଼ ଇନିଂସ ଆଶା କରୁଥିବା ବେଳେ ବେପାରୁଆ ସଟ ଖେଳି ଆଉଟ ହୋଇଥାନ୍ତି ପନ୍ଥ. ମ୍ୟାଚର ପରିସ୍ଥିତିକୁ ଦେଖି ଉକ୍ତ ସଟ ଆବଶ୍ୟକ ନଥିବା ବେଳେ ସେହି ସଟ ଖେଳି ଆଉଟ ହୁଅନ୍ତି ପନ୍ଥ. ଏହାର ଶ୍ରେଷ୍ଠ ଉଦାହରଣ ହେଉଛି ଭାରତ - ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ସିଡ଼ନୀ ଟେଷ୍ଟରେ ରିଷଭଙ୍କ ଇନିଂସ. ଭାରତ ମାତ

୍ର 159 ରନରେ ପାଞ୍ଚ wicket ହରାଇ ସଙ୍କଟରେ ପଡ଼ିଥିବା ବେଳେ ପନ୍ଥଙ୍କ ବ୍ୟାଟରୁ ଆଶା ଥିଲା ବଡ଼ ଇନିଂସ. ଭଲ ଆରମ୍ଭ କରି ଏକ ପ୍ରକାର ସେଟ ହୋଇ ଥିବା ବେଳେ ଟି -20 ଷ୍ଟାଇଲ ସଟ ଖେଳି wicket ଫିଙ୍ଗିଥିଲେ. କମେଣ୍ଟ୍ରି ବକ୍ସରେ ବସି କମେଣ୍ଟ୍ରି କରୁଥିବା ପୂର୍ବତନ ଭାରତୀୟ କ୍ରିକେଟ ଲିଜେଣ୍ଡ ସୁନୀଲ ଗାଭାସ୍କର ମଧ୍ୟ ପନ୍ଥଙ୍କ ଏହି ସଟ ଦେଖି ତାଯୁବ ହୋଇଯିବା ସହ ପରିସ୍ଥିତି ପଢିବାରେ ସେ ଯେଉଁ ଭୁଲ କରୁଛନ୍ତି ତାହା ଦେଖି ନିରାଶ ହୋଇଛନ୍ତି. ଏହି ଭଳି ତ୍ରୁଟି ଯୋଗୁଁ ଟେଷ୍ଟ ମ୍ୟାଚରେ ଅନେକ ସମୟରେ 90 ରୁ 99 ସ୍କୋର ମଧ୍ୟରେ ସେ ଆଉଟ ହେବା ସହ ଶତକରୁ ବଞ୍ଚିତ ହୋଇଛନ୍ତି. କେବଳ ଖାଲି ଟେଷ୍ଟ ମ୍ୟାଚ ନୁହଁ ଏକାଦିବସୀୟ ଏବଂ ଟି -20 ରେ ମଧ୍ୟ ସମାନ ସମସ୍ୟା. ପନ୍ଥଙ୍କ ପାଖରେ ବହୁ ପ୍ରତିଭା ରହିଛି. ଯଦି ସେ ନିଜର ଗେମ ଆୱାରନେସ ତ୍ରୁଟିକୁ ସୁଧାରି ସଠିକ ଭାବେ ଗେମକୁ ରିଡ କରିବେ ତେବେ ବିଶ୍ୱର ଅନ୍ୟତମ ଶ୍ରେଷ୍ଠ କ୍ରିକେଟର ହୋଇପାରିବେ. ବ୍ୟୁରୋ ରିପୋର୍ଟ ଖେଳ ଓଡିଶା.