ବାଂଲାଦେଶ ବିପକ୍ଷ ସିରିଜ ପରେ ଭାରତୀୟ ଦଳ ବେଙ୍ଗାଲୁରୁରେ ନ୍ୟୁଜିଲ୍ୟାଣ୍ଡ ବିପକ୍ଷ ସିରିଜ ପାଇଁ ପ୍ରସ୍ତୁତି ଆରମ୍ଭ କରିଛି। ଅକ୍ଟୋବର ୧୬ ରୁ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜ ଖେଳାଯିବ । କିଛି ଦିନ ପୂର୍ବରୁ ଭାରତୀୟ ଦଳ ଘୋଷଣା କରାଯାଇଥିଲା ଏବଂ ସମସ୍ତ ଖେଳାଳି ବର୍ତ୍ତମାନ ଚିନ୍ନସ୍ୱାମୀ ଷ୍ଟାଡିୟମରେ ଅଭ୍ୟାସ କରୁଛନ୍ତି। ଏହି ସମୟରେ ଦଳର ପୂର୍ବତନ ପ୍ରଶିକ୍ଷକ ରାହୁଲ ଦ୍ରାବିଡ ଭାରତୀୟ ଦଳକୁ ଭେଟିଛନ୍ତି। ଅଭ୍ୟାସ ସମୟରେ ରାହୁଲ ଦ୍ରାବିଡ଼ ରୋହିତ ଶର୍ମା, ବିରାଟ କୋହଲି ଏବଂ ଋଷବ ପନ୍ତଙ୍କ ସହ କଥା ହେଉଥିବା ଦେଖିବାକୁ ମିଳିଛି ଏବଂ ଏହି ସମୟର
ଭିଡିଓ ମଧ୍ୟ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।
ରାହୁଲ ଦ୍ରାବିଡ଼ ଖେଳାଳି ମାନଙ୍କ ସହ ଆଲୋଚନା କରିବା ସହ ଥଟା ମଜା କରୁଥିବା ଦେଖିବାକୁ ମିଳିଛି । ପୂର୍ବରୁ ଭାରତୀୟ ଦଳର ମୁଖ୍ୟ ପ୍ରଶିକ୍ଷକ ଥିବା ଦ୍ରାବିଡ଼ ଏବଂ ଭାରତୀୟ ଦଳର ଖେଳାଳିଙ୍କ ମଧ୍ୟରେ ଥିବା ବନ୍ଧୁତା ସ୍ପଷ୍ଟ ଦେଖାଯାଉଛି । ତେବେ ଦ୍ରାବିଡ଼ଙ୍କ ଉପସ୍ଥିତିରେ ଭାରତୀୟ ଦଳ ଚଳିତ ବର୍ଷ ଟି-୨୦ ବିଶ୍ୱକପ ଟ୍ରଫି ଜିତିଥିଲା । ଦ୍ରାବିଡ଼ ବର୍ତ୍ତମାନ ଆଇପିଏଲରେ ରାଜସ୍ଥାନ ରୟାଲ୍ସର ପ୍ରଶିକ୍ଷକ ଭାବେ ଦଳରେ ସାମିଲ ହୋଇଛନ୍ତି ।