ଏସିସି ଏମରଜିଙ୍ଗ ଏସିଆ ଟି-୨୦ କପ ୨୦୨୪ ର ଦ୍ଵିତୀୟ ସେମିଫାଇନାଲରେ ଆଫଗାନିସ୍ତାନ ଏ ଠାରୁ ପରାସ୍ତ ହୋଇଛି ଭାରତ ଏ । ଶୁକ୍ରବାର ଖେଳାଯାଇଥିବା ଏହି ସେମିଫାଇନାଲରେ ଭାରତୀୟ ବ୍ୟାଟ୍ସମ୍ୟାନ ୨୦୭ ରନର ଲକ୍ଷ୍ୟକୁ ପିଛା କରି ୨୦ ରନ ପଛରେ ରହିଛନ୍ତି । ରମନଦୀପ ସିଂ ଶେଷ ଓଭର ଯାଏଁ ବ୍ୟାଟିଂ କରି ସଂଘର୍ଷ କରୁଥିଲେ ମଧ୍ୟ ମ୍ୟାଚ ଜିତାଇବାରେ ଅସଫଳ ରହିଛନ୍ତି ।
୨୦୨୪ ଏସିସି ଏମରଜିଙ୍ଗ ଏସିଆ କପରେ ଭାରତୀୟ ଦଳ ୩ ଟି ରୁ ୩ ଟି ମ୍ୟାଚରେ ବିଜୟ ହାସଲ କରି ପଏଣ୍ଟସ ଟେବୁଲର ଶୀର୍ଷରେ ରହିଥିଲା । ସେମିଫାଇନାଲରେ ଆଫଗାନିସ୍ତାନ ପ୍ରଥମେ ବ୍ୟାଟିଂ କରି ୨୦୬ ରନ ସଂଗ୍ରହ କରିଥିଲା । ଭ
ାରତ ପକ୍ଷରୁ ରସିକ ସଲାମ ୩ ଟି ୱିକେଟ୍ ଓ ଆକିବ ଖାନ ନେବାରେ ସଫଳ ହୋଇଥିଲେ । ଦ୍ଵିତୀୟ ଇନିଂସରେ ଭାରତୀୟ ବ୍ୟାଟ୍ସମ୍ୟାନ ଆଫଗାନିସ୍ତାନର ସ୍ପିନ ବୋଲିଂ ଆଗରେ ୱିକେଟ୍ ହରାଇଥିଲେ । ଏହା ସତ୍ୱେ ମ୍ୟାଚ ଏକ ସୁଦୃଢ ମୋଡ଼କୁ ଆସିବା ସମୟରେ ଭୁଲ ବୁଝାମଣା ପାଇଁ ଦୁଇ ଦୁଇଟି ରନ ଆଉଟ ଦେଖିବାକୁ ମିଳିଥିଲା । ଶେଷରେ ରାମନଦୀପ ସିଂ ଏକ ବିସ୍ଫୋଟକ ବ୍ୟାଟିଂର ପ୍ରଦର୍ଶନ କରି ୩୪ ବଲରେ ୬୪ ରନ ସଂଗ୍ରହ କରିଥିଲେ ମଧ୍ୟ ମ୍ୟାଚ ଜିତାଇବାରେ ଅସଫଳ ରହିଥିଲେ । ୨୦୨୩ ଏସିଆ ଏମରଜିଙ୍ଗ କପରେ ମଧ୍ୟ ଭାରତ ଫାଇନାଲରେ ପ୍ରବେଶ କରିଥିଲା, କିନ୍ତୁ ପାକିସ୍ତାନ ଠାରୁ ଫାଇନାଲରେ ପରାସ୍ତ ହୋଇଥିଲା । ଚଳିତ ବର୍ଷ ଭାରତୀୟ ଖେଳାଳିଙ୍କ ଉତ୍ତମ ପ୍ରଦର୍ଶନ ଦେଖି ଟ୍ରଫି ଆଶା କରାଯାଉଥିଲେ ମଧ୍ୟ ଭାରତୀୟ ଫ୍ୟାନ୍ସଙ୍କୁ ନିରାଶ ହେବାକୁ ପଡିଛି ।