ବୁଧବାର ଦିଲ୍ଲୀର ଧ୍ୟାନଚାନ୍ଦ ଜାତୀୟ ଷ୍ଟାଡିୟମରେ ଭାରତୀୟ ହକି ଦଳ ଜର୍ମାନୀଠାରୁ 2-0 ରେ ପରାସ୍ତ ହୋଇଛି । ପ୍ୟାରିସ ଅଲମ୍ପିକ୍ସରେ ବ୍ରୋଞ୍ଜ ମେଡାଲ ଜିତିଥିବା ଭାରତ ଘରୋଇ ମୈଦାନରେ ଭାରତୀୟ ଫ୍ୟାନ୍ସଙ୍କୁ ନିରାଶ କରିଛି । ମ୍ୟାଚର ତୃତୀୟ ମିନିଟରେ ଜର୍ମାନୀର ହେନରୀକ ମର୍ଟଗେଞ୍ଜ ପ୍ରଥମ ଗୋଲ ସ୍କୋର କରିଥିଲେ । ଏହା ପରେ 30 ମିନିଟରେ ଲୁକାସ ୱିଣ୍ଡଫେଡର୍ ପେନାଲଟି କର୍ଣ୍ଣର ଜରିଆରେ ଆଉ ଏକ ଗୋଲ ଦେଇ ଜର୍ମାନୀକୁ 2-0 ରେ ଆଗୁଆ ରଖିଥିଲେ । ଏହା ସହ 2-0 ରେ ମ୍ୟାଚ ସମାପ୍ତ ହୋଇଥ
ିଲା ଏବଂ ଜର୍ମାନୀ ଏକ ସହଜ ବିଜୟ ହାସଲ କରିଥିଲେ । ଗୁରୁବାର ଏହି ଗ୍ରାଉଣ୍ଡରେ ଦ୍ୱୀତିୟ ମ୍ୟାଚ ଖେଳାଯିବ ।
ତେବେ ପ୍ୟାରିସ ଅଲମ୍ପିକ୍ସରେ ଜର୍ମାନୀ ରୌପ୍ୟ ପଦକ ହାସଲ କରିଥିଲା ଏବଂ ସେମିଫାଇନାଲରେ ଭାରତକୁ ପରାସ୍ତ କରି ଫାଇନାଲରେ ପ୍ରବେଶ କରିଥିଲା । ଆଜି ମ୍ୟାଚରେ ଭାରତ ଜର୍ମାନୀକୁ ପରାସ୍ତ କରି ସିରିଜ କୁ 1-1 ରେ ଆଣିବାକୁ ଚେଷ୍ଟା କରିବ । ଅଧିନାୟକ ହର୍ମନପ୍ରୀତଙ୍କ ଉପରେ ସମସ୍ତଙ୍କ ନଜର ରହିବ ।