ମହିଳା ଟି-୨୦ ବିଶ୍ୱକପରେ ଭାରତର ପରାଜୟ ପରେ ଅଷ୍ଟ୍ରେଲିଆ ସେମିଫାଇନାଲ ପାଇଁ ଯୋଗ୍ୟତା ହାସଲ କରିଛି । ଏହାସହ ସେମିଫାଇନାଲରେ ପ୍ରବେଶ କରିବା ପାଇଁ ଭାରତକୁ ପାକିସ୍ତାନ ଉପରେ ନିର୍ଭର କରିବାକୁ ହେବ । ପାକିସ୍ତାନ ଏବଂ ନ୍ୟୁଜିଲାଣ୍ଡ ମ୍ୟାଚ ପରେ କେଉଁ ଦଳ ସେମିଫାଇନାଲରେ ପ୍ରବେଶ କରିବା ତାହା ସ୍ପଷ୍ଟ ହେବ।
ଚଳିତ ମହିଳା ଟି-୨୦ ବିଶ୍ୱକପର ଅଷ୍ଟାଦଶ ମ୍ୟାଚରେ ଭାରତ ଅଷ୍ଟ୍ରେଲିଆ ଠାରୁ ୯ ରନରେ ପରାସ୍ତ ହୋଇଥିଲା । ଏକ ରୋମାଞ୍ଚକର
ମ୍ୟାଚରେ ଭାରତୀୟ ଅଧିନାୟକ ହର୍ମନପ୍ରୀତ କୌର ଅପରାଜିତ ରହିଥିଲେ ମଧ୍ୟ ଭାରତକୁ ପରାଜୟର ସାମ୍ନା କରିବାକୁ ପଡିଥିଲା । ୧୫୨ ରନ ଟାର୍ଗେଟକୁ ଚେଜ କରୁଥିବା ଭାରତ ୯ ୱିକେଟ୍ ହରାଇ ୧୪୨ ରନ ସଂଗ୍ରହ କରିଥିଲା। ଏହି ଟୁର୍ନାମେଣ୍ଟରେ ଅଷ୍ଟ୍ରେଲିଆ ଚାରୋଟି ମ୍ୟାଚ ମଧ୍ୟରୁ ଚାରୋଟି ମ୍ୟାଚ ଜିତି ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଥିବାବେଳେ ଆଜି ପାକିସ୍ତାନ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ହେବାକୁ ଥିବା ମ୍ୟାଚ ଉପରେ ଭାରତର ଭାଗ୍ୟ ନିର୍ଭର କରୁଛି।