ଅଷ୍ଟ୍ରେଲିଆ ଟେଷ୍ଟ ସିରିଜ ପୂର୍ବରୁ ଭାରତକୁ ଘାରିଛି ରାହୁଲ ଚିନ୍ତା
ଦେଶ ବିଦେଶ ସବୁଠାରେ ସେ ଫ୍ଲପ
ଘରୋଇ ମାଟିରେ ସିରିଜଠୁ ଆରମ୍ଭ କରି ଡୋମେଷ୍ଟିକ ସବୁଠି ନିରବ ତାଙ୍କ ବ୍ୟାଟ
କ୍ୟାରିୟର ଆରମ୍ଭରୁ ଅଷ୍ଟ୍ରେଲିଆ ମାଟିରେ ଟେଷ୍ଟ ଶତକ ହାସଲ କରି ଚର୍ଚ୍ଚାରେ ରହିଥିବା କେଏଲ ରାହୁଲଙ୍କ ପାଇଁ ଚିନ୍ତାରେ ଭାରତୀୟ ଟିମ ମ୍ୟାନେଜମେଣ୍ଟ. ଏକଦା ନିଜ କ୍ଲାସ ବ୍ୟାଟିଙ୍ଗ ପାଇଁ ସମସ୍ତଙ୍କୁ ପ୍ରଭାବିତ କରିଥିବା ରାହୁଲ ଏବେ ସ୍କୋର କରିବାକୁ ସଂଘର୍ଷ କରୁଛନ୍ତି. ବହୁତ ଧିମା ଖେଳିବା ଦ୍ୱାରା ବିଭିନ୍ନ ମହଲରୁ ତାଙ୍କୁ ନିନ୍ଦା କରାଯାଉଛି. କ୍ୟାରିୟରର ପ୍ରାରମ୍ଭିକ ପର୍ଯ୍ୟାୟରେ କ୍ରିକେଟ ପଣ୍ଡିତ ତାଙ୍କୁ ଭାରତୀୟ ବ୍ୟାଟିଙ୍ଗ ଲାଇନ ଅପର ଭବିଷ୍ୟତ କହୁଥିବା ବେଳେ ଏବେ ତାଙ୍କୁ ସମାଲୋଚନା କରିବାକୁ ପଛାଉନାହାନ୍ତି. ଶେଷ 10 ଟି ଟେଷ୍ଟ ଇନିଂସରେ 400 ର
ନବି ସ୍କୋର କରିନଥିବା ବେଳେ ନ୍ୟୁଜଲାଣ୍ଡ ବିପକ୍ଷ ପ୍ରଥମ ଟେଷ୍ଟର ଉଭୟ ଇନିଂସ ବିଫଳ ହେବା ପରେ ପ୍ଲେଇଙ୍ଗ ଏକାଦଶରୁ ବାଦ ପଡ଼ିଥିଲେ. ଆଇପିଏଲର ପୂର୍ବ ସଂସ୍କରଣରେ ସେ ଲକ୍ଷ୍ନୋ ସୁପର ଜେଣ୍ଟସର ନେତୃତ୍ୱ ନେଇଥିଲେ ମାତ୍ର ଚଳିତ ଥର ତାଙ୍କୁ ରିଟେନ କରିନାହିଁ ଫ୍ରାଞ୍ଚାଇଜ. ଏମିତି କି ଟିମର ମାଲିକ ରାହୁଲ ଜଣେ ମ୍ୟାଚ ବିଜେତା ନୁହନ୍ତି ବୋଲି କହିବାକୁ ପଛାଇ ନାହାନ୍ତି. ଅଷ୍ଟ୍ରେଲିଆ ସିରିଜ ପ୍ରସ୍ତୁତି ପାଇଁ ତାଙ୍କୁ ଅଭ୍ୟାସ ମ୍ୟାଚ ଖେଳିବାକୁ ପଠାଯାଇଥିଲେ ମଧ୍ୟ ଅଭ୍ୟାସ ମ୍ୟାଚରେ ମାତ୍ର ଚାରି ରନରେ ଆଉଟ ହୋଇଛନ୍ତି ସେ. ଭାରତୀୟ ଟି -20 ଦଳରୁ ପ୍ରାୟ ବାଦ ପଡିସାରିଥିବା ଏହି ବ୍ୟାଟସମାନ ଟେଷ୍ଟ ଦଳରେ ନିଜ ସ୍ଥାନ ପକ୍କା କରିବାକୁ ସଂଘର୍ଷ କରିବାକୁ ପଡୁଛି. ତେବେ ରାହୁଲଙ୍କ ହଠାତ ଡାଉନଫଲ କାହିଁକି ହେଲା କ୍ରିକେଟପ୍ରେମୀଙ୍କ ମହଲରେ ସବୁଠାରୁ ପଡ଼ ପ୍ରଶ୍ନ. ବ୍ୟୁରୋ ରିପୋର୍ଟ ଖେଳ ଓଡିଶା.