ଭାରତୀୟ ମହିଳା ଦଳ ପ୍ରଥମ ଦିନିକିଆ ମ୍ୟାଚରେ 2024 ଟି-20 ବିଶ୍ୱକପ ଚମ୍ପିୟାନ ନ୍ୟୁଜିଲାଣ୍ଡକୁ ପରାସ୍ତ କରିଛି | ଏହା ସହ ଟି-20 ବିଶ୍ୱକପରେ ନ୍ୟୁଜିଲାଣ୍ଡ ଠାରୁ ପରାଜୟର ପ୍ରତିଶୋଧ ନେଇଛି ଭାରତ | ପ୍ରଥମ ଦିନିକିଆରେ ଭାରତୀୟ ମହିଳା ଦଳ ପ୍ରଥମେ ବ୍ୟାଟିଂ କରି 227 ରନ ସଂଗ୍ରହ କରିଥିବାବେଳେ ନ୍ୟୁଜିଲାଣ୍ଡକୁ 59 ରନରେ ପରାସ୍ତ କରିଛି | ଦୀପ୍ତି ଶର୍ମାଙ୍କ ଅଲ ରାଉଣ୍ଡ ପ୍ରଦର୍ଶନ ବଳରେ ତାଙ୍କୁ ମ୍ୟାଚର ଶ୍ରେଷ୍ଠ ଖେଳାଳି ରୂପେ ବିବେଚିତ କରାଯାଇଛି |
ତେବେ ଅଧିନାୟକ ହର୍ମନପ୍ରୀତ କୌର ଆହତ କାରଣରୁ ପ୍ରଥମ ଦିନିକିଆରୁ ବାଦ ପଡ଼ିଥିଲେ ଏବଂ ତାଙ୍କ ସ୍ଥାନରେ ସ୍ମୃତି ମନ୍ଧାନାଙ୍କୁ ଅଧିନାୟକ ଦାୟିତ୍ୱ ମିଳିଥିଲା |ପ୍ରଥମେ ବ୍ୟାଟିଂ କରି ଭାରତ 227 ରନ ସଂଗ୍ରହ କରିଥିଲା | ଡେ଼ବ୍ୟୁଟାଣ୍ଟ ତେଜ
ଲ ହାସବାନିସ ସର୍ବାଧିକ 42 ରନ୍ ସଂଗ୍ରହ କରିଥିଲେ ଓ ଦୀପ୍ତି 41 ରନ ସଂଗ୍ରହ କରିଥିଲେ | ଭାରତର କୌଣସି ବ୍ୟାଟ୍ସମ୍ୟାନ ଅତି କମରେ ଅର୍ଦ୍ଧଶତକ କରିନଥିଲେ ମଧ୍ୟ ପ୍ରତ୍ୟେକ ଖେଳାଳିଙ୍କ ଯୋଗଦାନ ବଳରେ ଏକ ସମ୍ମାନଜନକ ସ୍କୋର କରିବାରେ ସଫଳ ହୋଇଥିଲେ |
ଦ୍ଵିତୀୟ ଇନିଂସରେ ନ୍ୟୁଜିଲାଣ୍ଡ ଲକ୍ଷ୍ୟକୁ ପିଛା କରି 40.4 ଓଭରରେ 168 ରନରେ ସୀମିତ ରହିଥିଲା | ଭାରତୀୟ ବୋଲରଙ୍କ ଘାତକ ବୋଲିଂ ଆଗରେ ନ୍ୟୁଜିଲାଣ୍ଡର ବ୍ୟାଟ୍ସମ୍ୟାନ ମାନେ ଧରାଶାୟୀ ହୋଇଥିଲେ | ରାଧା ଯାଦବ 3 ଟି, ସାଇମା ଠାକୁର 2 ଟି, ଦୀପ୍ତି ଶର୍ମା ଓ ଅରୁନ୍ଧତୀ ରେଡ୍ଡୀ ଗୋଟିଏ ଲେଖାଏଁ ୱିକେଟ୍ ନେଇଥିଲେ | ଭାରତୀୟ ଫିଲଡର ଚମତ୍କାର ଫିଲଡିଂର ପ୍ରଦର୍ଶନ କରିବା ଫଳରେ 3 ଟି ରନ ଆଉଟ ଦେଖିବାକୁ ମିଳିଥିଲା, ଯେଉଁଥିରେ ଘାତକ ସୋଫି ଡିଭାଇନଙ୍କ ରନ ଆଉଟ ମଧ୍ୟ ସାମିଲ ଥିଲା |