ଦକ୍ଷିଣ ଆଫ୍ରିକା ପ୍ରାୟ ୧୦ ବର୍ଷ ପରେ ଏସିଆରେ ପ୍ରଥମ ଟେଷ୍ଟ ମ୍ୟାଚ ଜିତିବାରେ ସଫଳ ହୋଇଛି । ଏଇଡେନ ମାର୍କରମଙ୍କ ନେତୃତ୍ୱାଧୀନ ଦକ୍ଷିଣ ଆଫ୍ରିକା ଗୁରୁବାର ବାଂଲାଦେଶ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍କୁ ୭ ୱିକେଟ୍ ରେ ଜିତିବାରେ ସଫଳ ହୋଇଛି । ଏହା ସହ ଦକ୍ଷିଣ ଆଫ୍ରିକା ୨ ମ୍ୟାଚ ବିଶିଷ୍ଠ ଟେଷ୍ଟ ସିରିଜରେ ୧-୦ ରେ ଆଗୁଆ ରହିଛି । ସିରିଜର ଅନ୍ତିମ ମ୍ୟାଚ ୨୯ ଅକ୍ଟୋବରରୁ ଚାଟୋଗ୍ରାମରେ ଖେଳାଯିବ ।
ଦକ୍ଷି
ଣ ଆଫ୍ରିକା ଶେଷ ଥର ୨୦୧୪ ରେ ଗଲେରେ ଶ୍ରୀଲଙ୍କାକୁ ଏକ ଟେଷ୍ଟ ମ୍ୟାଚରେ ପରାସ୍ତ କରିଥିଲା । ଏହା ପରେ, ଏକ ଦଶନ୍ଧି ମଧ୍ୟରେ, ଦକ୍ଷିଣ ଆଫ୍ରିକା ଦଳ ଏସିଆ ମହାଦେଶରେ ୧୫ ଟି ଟେଷ୍ଟ ମ୍ୟାଚ୍ ଖେଳିଥିଲେ ମଧ୍ୟ ବିଜୟ ସ୍ୱାଦ ଚାଖିପାରିନଥିଲା । ପରିଶେଷରେ, କଗିସୋ ରାବାଡାଙ୍କ ଚମତ୍କାର ବୋଲିଂ ଏବଂ ବ୍ୟାଟ୍ସମ୍ୟାନଙ୍କ ଚମତ୍କାର ପ୍ରଦର୍ଶନ ବଳରେ ଦକ୍ଷିଣ ଆଫ୍ରିକା ଦଳ ୧୦ ବର୍ଷ ପରେ ଏସିଆରେ ବିଜୟ ହାସଲ କରିଛି। ଏହି ଟେଷ୍ଟ ମ୍ୟାଚର ଚତୁର୍ଥ ଦିନରେ ମଧ୍ୟାହ୍ନ ଭୋଜନ ପୂର୍ବରୁ ଦକ୍ଷିଣ ଆଫ୍ରିକା ୨୨ ଓଭରରେ ନିର୍ଧାରିତ ଲକ୍ଷ୍ୟକୁ ହାସଲ କରିଥିଲା।