ଘରୋଇ ମାଟିରେ 12 ବର୍ଷ ପରେ ସିରିଜ ପରାଜୟ
ପରାଜୟ ନୁହେଁ କିୱି ବିପକ୍ଷରେ କ୍ଲିନ ସୁଇପ
ସିନିଅରଙ୍କ ପ୍ରଦର୍ଶନ ନେଇ ଚିନ୍ତାରେ ମ୍ୟାନେଜମେଣ୍ଟ
ଅଷ୍ଟ୍ରେଲିଆ ସିରିଜ ହେବକି ସେମାନଙ୍କ ପାଇଁ ଏସିଡ ଟେଷ୍ଟ
ଫେଲ ମାରିଲେ ବିସିସିଆଇ ଉଠାଇବ କି ବଡ଼ କଦମ?
ଘରୋଇ ମାଟିରେ ଟେଷ୍ଟ ସିରିଜ ପରେ ଟେନସନରେ ଟିମ ଇଣ୍ଡିଆ. ଗୋଟେ ପଟେ କ୍ରିକେଟ ଫ୍ୟାନଙ୍କ ଠାରୁ ଆରମ୍ଭ କରି ଏକ୍ସପର୍ଟ ଏହି ସିରିଜ ପରାଜୟ ଦେଖି ଚକିତ ହେବା ସହ ଦଳର ଚାରି ସିନିଅର ଖେଳାଳିଙ୍କ ପ୍ରଦର୍ଶନକୁ ନେଇ ଚିନ୍ତିତ ଅଛନ୍ତି. ଏହି ସିରିଜରେ ଅଧିନାୟକ ରୋହିତ ଶର୍ମା, ସିନିଅର ବ୍ୟାଟସମାନ ବିରାଟ କୋହଲି, ଷ୍ଟାର ସ୍ପିନର ରବିଚନ୍ଦ୍ରନ ଅଶ୍ବିନ ଏବଂ ଅଲରାଉଣ୍ଡର ରବୀନ୍ଦ୍ର ଜାଡେଜାଙ୍କ ପ୍ରଦର୍ଶନ ସମସ୍ତଙ୍କୁ ନିରାଶ କରିଛି. ରବୀନ୍ଦ୍ର ଜାଡେଜା ବୋଲିଙ୍ଗରେ ଭଲ ପ୍ରଦର୍ଶନ କରିଥିଲେ ସୁଦ୍ଧା ବ୍ୟାଟିଙ୍ଗରେ ପୁରା ସିରିଜରେ ଫେଲ ମାରିଛନ୍ତି. ଲଗାତାର ଭାବେ ସିନିଅର ଖେଳାଳି ଫେଲ ମାରିବା
ପରେ ସେମାନଙ୍କ ବିରୋଧରେ କାର୍ଯ୍ୟନୁଷ୍ଠାନ ଗ୍ରହଣ କରିପାରେ ଭାରତୀୟ କ୍ରିକେଟ ବୋର୍ଡ. ବିସିସିଆଇ ପକ୍ଷରୁ ଏନେଇ କିଛି ସୂଚନା ମିଳିନଥିବା ବେଳେ ବିଭିନ୍ନ ମହଲରେ ଚର୍ଚ୍ଚା ହେଉଛି. ଆଗକୁ ଅଛି ଅଷ୍ଟ୍ରେଲିଆ ମାଟିରେ ବର୍ଡର - ଗାଭାସ୍କର ଟ୍ରଫି. ଏହି ସିରିଜ ପୂର୍ବରୁ ସବୁ ସମସ୍ୟାର ସମାଧାନ ନହେଲେ ଅଷ୍ଟ୍ରେଲିଆରେ ସିରିଜ ପରାଜୟ ସହ ଡବ୍ଲ୍ୟୁଟିସି ଫାଇନାଲରୁ ବାଦ ପଡିବ ଭାରତୀୟ ଟିମ. ଗୋଟେ ପଟେ ସିରିଜ ପରାଜୟ ଅନ୍ୟପଟେ ଅଷ୍ଟ୍ରେଲିଆରେ ଭାରତୀୟ ଟିମ ଖେଳିବାକୁ ଥିବା ଅଭ୍ୟାସ ମ୍ୟାଚ ଦଳ ବାତିଲ କରିଦେବା ପରେ ସବୁଆଡେ ଟ୍ରୋଲର ଶିକାର ହେଉଛି ଟିମ. ଯଦି ସିନିଅର ଖେଳାଳିଙ୍କ ପ୍ରଦର୍ଶନ ଅଷ୍ଟ୍ରେଲିଆ ମାଟିରେ ସୁଧାର ନଆସେ. ବିସିସିଆଇ ନେଇପାରେ ବଡ଼ କଦମ. ଅଷ୍ଟ୍ରେଲିଆ ମାଟିରେ ଅଷ୍ଟ୍ରେଲିଆ ବିପକ୍ଷରେ ଭଲ ପ୍ରଦର୍ଶନ କରିବାକୁ ହେଲେ ସିନିଅର ଖେଳାଳିଙ୍କୁ ହେବ ବଡ଼ ଜିମିଦାରୀ. ତେବେ ଦେଖିବାକୁ ବାକି ରହିଲା ଟିମ ଇଣ୍ଡିଆର ସିନିଅର ମେମ୍ବରଙ୍କ ପ୍ରଦର୍ଶନ ଅଷ୍ଟ୍ରେଲିଆ ମାଟିରେ କଣ ରହୁଛି. ବ୍ୟୁରୋ ରିପୋର୍ଟ ଖେଳ ଓଡିଶା.