ବିରାଟ କୋହଲି ନାମ ହିଁ ଯଥେଷ୍ଟ. ଦୀର୍ଘ ବର୍ଷ ହେବ ଭାରତୀୟ କ୍ରିକେଟ ଏବଂ ବିଶ୍ୱ କ୍ରିକେଟରେ ଯେଉଁ ସଫଳତା ହାସଲ କରିଛନ୍ତି ତାହା ବର୍ଣ୍ଣନା କରିବା କଷ୍ଟ. ଯେତେବେଳେ ଲକ୍ଷ୍ୟ କଷ୍ଟ ହୋଇଥାଏ ବିରାଟ ତାହାକୁ ଆସାନ କରିଥାନ୍ତି. ଗୋଟିଏ କିମ୍ବା ଦୁଇଟି ନୁହେଁ ଏମିତି ଅନେକ ଉଦାହରଣ ଅଛି ଯେଉଁଠି ଭାରତକୁ ଏକାକୀ ବିଜୟ କରାଇଛନ୍ତି ସେ. 2008 ମସିହାରେ ଭାରତ ପାଇଁ ଡେବ୍ୟୁ କରିଥିବା ବିରାଟ ଏବେ ବିଶ୍ୱ କ୍ରିକେଟରେ ଚର୍ଚ୍ଚିତ ଚେହେରା. ସୀମିତ ଦେଶରେ କ୍ରିକେଟ ଖେଳାଯାଉଥିଲେ ମଧ୍ୟ ସାରା ବିଶ୍ୱରେ ରହିଛି ତାଙ୍କ କ୍ରେଜ. ବିରାଟଙ୍କ ଫ୍ୟାନଙ୍କ ସଂଖ୍ୟା ଦେଖି ଅଲମ୍ପିକରେ ସାମିଲ ହେଲା କ୍ରିକେଟ. ପଡିଆ ଭିତରେ ଆଗ୍ରେସିଭ ରହୁଥିବା ବିରାଟ ପଡିଆ ବାହାରେ ପୁରା ଭିନ୍ନ. ଯୁବ କ୍ରିକେ
ରଙ୍କୁ ସାହାଯ୍ୟ କରିବା ସହ ବିପକ୍ଷ ଦଳ ଖେଳାଳିଙ୍କ ଦିଲ ଜିତିବା ସବୁଥିରେ ମାହିର ବିରାଟ. ଆଜି 36 ବର୍ଷରେ ପଦାର୍ପଣ କରିଛନ୍ତି ସେ. ନିକଟରେ ଟି -20 ଫର୍ମାଟରୁ ଅବସର ନେଇଥିବା ଏହି ଷ୍ଟାର କ୍ରିକେଟର କ୍ରିକେଟର ତିନି ଫର୍ମାଟରେ ହାସଲ କରିଛନ୍ତି ଅନେକ ମାଇଲଷ୍ଟୋନ. ଏହା ସହ 2011 ଏକଦିବସୀୟ କ୍ରିକେଟ ବିଶ୍ଵକପ, 2013 ଚାମ୍ପିୟାନ୍ସ ଟ୍ରଫି, 2024 ଟି -20 ବିଶ୍ୱକପ ବିଜେତା ଦଳର ସଦସ୍ୟ ରହିଛନ୍ତି. ନ୍ୟୁଜଲାଣ୍ଡ ବିପକ୍ଷ ଘରୋଇ ଟେଷ୍ଟ ସିରିଜରେ ତାଙ୍କ ଫର୍ମକୁ ନେଇ ସମସ୍ତେ ଚିନ୍ତା କରୁଥିବା ବେଳେ ଆଶା ଅଛି ଅଷ୍ଟ୍ରେଲିଆରେ ହେବ ଗ୍ରାଣ୍ଡ କମବ୍ୟାକ. କାହିଁକି ନା କଥାରେ ଅଛି ଜାଂହା ମ୍ୟାଟର ବଡ୍ଡା ହୋତା ହେ ୱାନ୍ହା କିଙ୍ଗ ଖଡା ହୋତା ହେ. ବ୍ୟୁରୋ ରିପୋର୍ଟ ଖେଳ ଓଡିଶା.