ଜୋହର କପ ଜୁନିୟର ପୁରୁଷ ହକି ଟୁର୍ନାମେଣ୍ଟରେ ଭାରତ ଆୟୋଜକ ମାଲେସିଆକୁ ୪-୨ ରେ ପରାସ୍ତ କରି ଅପରାଜିତ ରହିଛି। ମାଲେସିଆ ବିପକ୍ଷ ବିଜୟ ପରେ ଭାରତ ଟୁର୍ନାମେଣ୍ଟରେ କ୍ରମାଗତ ତୃତୀୟ ବିଜୟ ହାସଲ କରିଛି । ସମୁଦାୟ ୯ ପଏଣ୍ଟ ସହ ଭାରତ ଟେବୁଲ ଶୀର୍ଷରେ ଥିବାବେଳେ ନ୍ୟୁଜିଲ୍ୟାଣ୍ଡ ୫ ପଏଣ୍ଟ ସହ ଦ୍ୱିତୀୟ ଏବଂ ଅଷ୍ଟ୍ରେଲିଆ ୪ ପଏଣ୍ଟ ସହ ତୃତୀୟ ସ୍ଥାନରେ ରହିଛି।
ଭାରତ ପାଇଁ ଶାରଦା ନନ୍ଦ ତିୱାରୀ (୧୧'), ଅର୍ଶଦୀପ ସିଂ (୧୩'), ତାଲେମ ପ୍ରିୟବ୍ରତ (୩୯') ଏବଂ ରୋହିତ (୪୦') ସ୍କୋର କରିଥିବା ବେଳେ ମାଲେ
ସିଆ ପାଇଁ ମହମ୍ମଦ ଡାନିଶ ଏମାନ (୮') ଏବଂ ହାରିସ ଓସମାନ (୯') ସ୍କୋର କରିଛନ୍ତି। ଏହି ମ୍ୟାଚରେ ମାଲେସିଆ ଏକ ଶକ୍ତିଶାଳୀ ଆରମ୍ଭ କରି ଭାରତକୁ ଚାପି ପକାଇବାକୁ ଚେଷ୍ଟା କରିଥିଲା। ଅଧିନାୟକ ମହମ୍ମଦ ଆଦି ଜାଜମି ଜାମଲୁସଙ୍କ ଦ୍ୱାରା ସୃଷ୍ଟି ହୋଇଥିବା ଏକ ସୁଯୋଗରେ ମହମ୍ମଦ ଡାନିଶ ଏମାନ ଏକ ଫିଲ୍ଡ ଗୋଲ ଦେଇ ୧-୦ ରେ ଆଗୁଆ ରହିଥିଲେ। ପରେ ପେନାଲ୍ଟି କର୍ଣ୍ଣରରେ ହାରିସ ଆଉ ଏକ ଗୋଲ ଦେଇ ଦଳକୁ ଘରୋଇ ଦଳକୁ ଏକ ଶକ୍ତିଶାଳୀ ସ୍ତିତିରେ ପହଞ୍ଚାଇଥିଲେ। ପରେ ଭାରତୀୟ ଖେଳାଳି ପୁନଃ ଆକ୍ରମଣ କରି ୪-୨ ଗୋଲରେ ବିଜୟ ହାସଲ କରିଥିଲେ ।