ଭାରତ ଓ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଉଥିବା ଟେଷ୍ଟ ସିରିଜର ପ୍ରଥମ ମ୍ୟାଚରେ ଭାରତର ପରାଜୟ ପରେ ଦ୍ଵିତୀୟ ମ୍ୟାଚରେ ଏକାଧିକ ପରିବର୍ତ୍ତନ ଦେଖିବାକୁ ମିଳିଛି । ଦ୍ଵିତୀୟ ଟେଷ୍ଟରେ କେଏଲ ରାହୁଲ, ମହମ୍ମଦ ଶିରାଜ ଓ କୁଲଦୀପ ଯାଦବ ଦଳରୁ ବାଦ ପଡିଛନ୍ତି । ଏହି ୩ ଖେଳାଳିଙ୍କ ସ୍ଥାନରେ ଶୁଭମନ ଗିଲ, ଆକାଶଦୀପ ଓ ୱାସିଂଟନ ସୁନ୍ଦରଙ୍କୁ ସୁଯୋଗ ମିଳିଛି ।
ପ୍ରଥମ ଟେଷ୍ଟରେ ଭାରତର ପରାଜୟ ପରେ ଅଧିନାୟକ ରୋହିତ ଶର୍ମା ଓ କୋଚ ଗୌତମ ଗମ୍ଭୀରଙ୍କ ମଧ୍ୟରେ ନିରାଶ ଦେଖିବାକୁ ମିଳିଥିଲା । ବାଙ୍ଗାଲୋରର ଚିନାସ୍ୱାମୀ ଷ୍ଟାଡିୟମରେ ଖେଳାଯାଉଥିବା ଟେଷ୍ଟରେ ନ୍ୟୁଜିଲାଣ୍ଡ
t-align: justify;"> ଭାରତକୁ ୮ ୱିକେଟ୍ ରେ ପରାସ୍ତ କରିଥିଲା । ଦୀର୍ଘ ୩୬ ବର୍ଷ ପରେ ନ୍ୟୁଜିଲାଣ୍ଡ ଭାରତକୁ ଭାରତର ଘରୋଇ ପଡିଆରେ ପରାସ୍ତ କରିଥିଲା । ଏହା ପରେ ରୋହିତ ଶର୍ମା ଟସ ଜିତି ବ୍ୟାଟିଂ କରିଥିବା ନିଷ୍ପତି ଭୁଲ ବୋଲି ମଧ୍ୟ କହିଥିଲେ ।
ପ୍ରଥମ ମ୍ୟାଚରେ ପରାଜୟ ପରେ ଭାରତୀୟ ଅଧିନାୟକ ଟେଷ୍ଟ ରେ ୩ ଟି ପରିବର୍ତ୍ତନ କରିଛନ୍ତି । ଦ୍ଵିତୀୟ ଟେଷ୍ଟ ଜିତିବା ଭାରତ ପାଇଁ ବେଶ ଗୁରୁତ୍ବପୂର୍ଣ୍ଣ । କାରଣ ଦ୍ଵିତୀୟ ଟେଷ୍ଟ ହାରିଲେ ଭାରତକୁ ଘରୋଇ ଟେଷ୍ଟ ରେ ପରାଜୟ ସାମ୍ନା କରିବାକୁ ପଡିବ । ଦ୍ଵିତୀୟ ଟେଷ୍ଟ ପୁନେ ରେ ଖେଳାଯାଉଛି ଏବଂ ନ୍ୟୁଜିଲାଣ୍ଡ ଟସ ଜିତି ବ୍ୟାଟିଂର ନିଷ୍ପତି ନେଇଛି ।