ସଫଳ ହେବ ତ ଡବ୍ଲ୍ୟୁଟିସି ଫାଇନାଲ ଆୟୋଜନ
ଫାଇନାଲରେ ଭାରତ ନଖେଳିବାକୁ ନେଇ ଚିନ୍ତାରେ ଇସିବି
ଚଳିତ ବର୍ଷ ଜୁନ ମାସରେ ଖେଳାଯିବାକୁ ଯାଉଛି ୱାର୍ଲଡ ଟେଷ୍ଟ ଚାମ୍ପିୟାନସିପର ଫାଇନାଲ. ସବୁ ଥର ଭଳି ଏଥର ବି ଲର୍ଡ଼ସରେ ଖେଳାଯିବ ଫାଇନାଲ ମ୍ୟାଚ. ପୂର୍ବ ଦୁଇଟି ଫାଇନାଲରେ ନ୍ୟୁଜଲାଣ୍ଡ ଏବଂ ଅଷ୍ଟ୍ରେଲିଆ ବିଜୟ ହାସଲ କରିଥିବା ବେଳେ ଉଭୟ ଥର ଫାଇନାଲରେ ପରାଜୟ ବରଣ କରିଛି ଭାରତ. ତେବେ ଏଥର ଭାରତ ଫାଇନାଲ ପାଇଁ କ୍ୱାଲିଫାଏ ନକରିଥିବାରୁ ଆୟୋଜନକୁ ନେଇ ଟେନସନରେ ଇଂଲଣ୍ଡ କ୍ରିକେଟ ବୋର୍ଡ. କେବଳ ଖାଲି ଭାରତ ନୁହେଁ ହୋମ ଟିମ ଇଂଲଣ୍ଡ ଦଳ ମଧ୍ୟ ଫାଇନାଲରେ ନଥିବାରୁ ମ୍ୟାଚକୁ ଦର୍ଶକ ଆସିବା ନେଇ ଇସିବିକୁ ଘାରିଛି ଟେନସନ. ପୂର୍ବ ଦୁଇଟି ଫାଇନାଲରେ ଭାରତ
ଥିବାରୁ ମ୍ୟାଚ ହେଉଥିଲା ହାଉସଫୁଲ. ବହୁ ସଂଖ୍ୟାରେ ଭାରତୀୟ ଦର୍ଶକ ନିଜ ଟିମକୁ ଚିୟର କରିବାକୁ ଗ୍ୟାଲେରୀରେ ପହଂଚୁଥିବାର ଦେଖିବାକୁ ମିଳିଥିଲା. କେବଳ ଖାଲି ଦର୍ଶକ ନୁହନ୍ତି ଭାରତର ମ୍ୟାଚରେ ବହୁ ସଂଖ୍ୟାରେ ସ୍ପନସର ଏବଂ ପ୍ରସାରଣ ପାଇଁ ଯେତିକି ପରିମାଣର ଅର୍ଥ ରାଶି ମିଳିଥାଏ ତାହା ଅନ୍ୟ ଦେଶ ଖେଳୁଥିବା ବେଳେ ସମ୍ଭାବନା କମ. ଫାଇନାଲରେ ଏଥର ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ରହିଥିବା ବେଳେ ଆୟୋଜନ ଚିନ୍ତାରେ ଇସିବି. ଉଭୟ ଦେଶରେ କ୍ରିକେଟ ଖେଳକୁ ଏତେଟା ଗୁରୁତ୍ୱ ଦିଆ ଯାଉନଥିବା ବେଳେ ଅଧିକ ଦର୍ଶକ ଆସିନପାରନ୍ତି ବୋଲି ଆକଳନ କରୁଛନ୍ତି ଇସିବି କତୃପକ୍ଷ. ଏହି ପରିପ୍ରେକ୍ଷୀରେ ସଫଳତାର ସହ କିପରି ଆୟୋଜନ କରିବେ ତାହା ହେବ ବଡ଼ ଚ୍ୟାଲେଞ୍ଜ. ବ୍ୟୁରୋ ରିପୋର୍ଟ ଖେଳ ଓଡିଶା.